Спадніца "Сімвал Кахання" або рыхтуюся да сезону (Ч.4)

Вітаю!

Сёння я ізноў з абноўкай для лета :) Як мне падабаецца такая справа: лён, вышыўка...

У такой спадніцы можна "лятаць"!

Узор, які я вышывала на спадніцы - Голуб і галубка - сімвал кахання.

Вось цытата з кнігі "Беларускі арнамент":

... гаворыць 80-гадовая Н.Гаравая: "...Калі мне было 17 гадоў, я закахалася ў Паўліка. Белагаловы, з сінімі вачыма, ён быў дужа добры. Мне параілі бабулі, і я вышыла ручнік з голубам і галубкай ( - такі ўзор, як я вышыла на спадніцы - ). Калі Паўлік пачуў пра гэта, прыслаў да мяне сватоў, і мы пажаніліся. Вось якое дабро зрабілі гэтыя галубкі..."

Не магу сказаць, дапамагае гэта ў каханні ці не, але мне спадніца вельмі падабаецца.

Вышывала на льне, складана, канешне, але вынік каштуе працы.

Спадніца мае кішэні.

На спадніцы вышытыя чатыры (4) паўторы голуба і галубкі.

Што і як:

- памер - 38 (па часопісу BURDA);

- ніткі Anchor 62, пайшло на ўсю вышыўка 1,5 маточкі. Вышывала ў дзве ніткі;

- ніткі Coats Duet;

- тканіна - беларускі лён.

Вось вышыўка бліжэй...

Вышыўка з іншага боку...

Спадніца ўзята з часопіса BURDA SPECIAL вясна -лета 2012.

Пра шыццё скажу, што вельмі-вельмі проста шыць гэтую спадніцу. Я нават думаю сабе сшыць іншых колераў яшчэ некалькі такіх. Для лета вельмі добра і проста!

Вось як спадніца выглядала ў часопісе.

 

Цудоўнага настрою!