Вітаю!
Здараецца, што ў жыцці бываюць дрэнныя дні або падзеі... Як учора ў мяне. Сёння я адчуваю сябе значна лепш, не топпен, але лепш.
І вось учора здавалася, што адарвацца ад падушкі будзе вельмі цяжка, але я ня толькі адарвалася, але і штосьці намалявала...
Калі ласка :)
Я не мастак, я проста вельмі хачу навучыцца маляваць і не баяцца гэта рабіць. У маім жыццё ёсць рэчы, дакладней іх няма ў маім жыцці, але я б хацела, каб яны былі. Сярод іх і ёсць маляванне.
І вось учора я ляжала з тэмпературай і без думак, проста ляжала і чакала... Ня ведаю, што павінна было адбывацца, каб я зварухнулася з месца. Потым я падумала, што я тут зусім адна і што гэта ня правільна вось так ляжаць і шкадаваць сябе. Так можна і ўсё жыццё праляжаць, прахварэць, прашкадаваць і нічога не адбудзецца і ня зменіцца...
І я ўстала. Першым на вочы трапіла авакада, якое адзінока ляжала на падваконні... Я вырашыла даесці яго.
Я ўзяла лыжку мёду, намазала зверху на гэтае цуда і пачала есці. І такім прыгожым і смачным яно мне падалося. З кожнай лыжкай я адчувала, што мне становіцца лягчэй, з'яўляліся новыя думкі і ідэі. Нібы штосьці шчоўкнула ў сусвеце і ён пачаў круціцца наноў...
Мне здавалася, што нейкія перамены адбываюцца прама ў паветры вакол мяне... Я даела авакада, паклала скарлупу побач з сабою і пачала азірацца... І ўбачыла колеры, якія засталіся ад смачнага перакусу: некалькі адценняў зялёнага, прычым вельмі сакавітага такога, вясенняга. Рукі самі пацягнуліся за пэнзлямі... І не паспела я азірнуцца, як атрымалася тое, што атрымалася :)
Гэта цуд ці спаўненне мары?!
Я ні кроплі не мастак, я толькі хачу навучыцца...
Цудоўнага настрою і жаданняў,
магчыма, яны могуць споўніцца!
