Ня тое, каб мы былі прыхільнікамі гэтага свята, але з дзіцём хочацца нешта такое рабіць:) можа так весялей, хаця сэнсу мала. Увогуле, нешта я апошнім часам ва ўсім мала сэнсу бачу...
Але печыва атрымалася надзвычай смачным:
* мука - 250 гр
* сметанковае масла - 125 гр
* цукровая пудра - 100 гр (я клала звычайны цукар, 50 гр, каб проста пакласці меней цукра)
* трошкі солі (калі сметанковае масла салёнае, як было ў мяне, то солі ня трэба класці)
* 1 яйка
* мігдалы
Замясіць цеста. Пакласці ў лядоўню на 30 хвілін. У нас атрымалася на два дні, бо мы пра яго забыліся.
Нарэзаць на кавалачкі, сфармаваць пальцы, пакласці мігдалу-кіпцік на кожны, трошкі ўціснуць, каб добра трымаўся ў цесце.
Запякаць у духоўцы 160°С каля 20-25 хвілін.
Смачна есці 🎃
No comments:
Post a Comment