Кветкі - нашае ўсё :)

Вельмі насычаны дзень сёння :)

Як стрымацца, не выклаўшы сюды ўсе ўражанні... Ну амаль усе, фотаздымкаў яшчэ на два аповеды хопіць.

Цяпер пра кветкі, кветак шмат, усе розныя і такія прыгожыя. Вельмі люблю такую сонечную вясну, але такой прыгожай вясне папярэднічалі тры халодных і дажджлівых дні. І вось цяпер усё буяе :)))) Заўтра трэба пачынаць касіць...

І зацвітаюць кветкі - фіалка

Гіацынт

Такі салодкі водар!!! Ідзеш па сцяжынцы, і галава так і круціцца, каб знайсці, што так смачна пахне :) А гэта прыгажун гіацынт усміхаецца...

Блакітныя мускары

Вось былі ўжо сінія, белыя, гэта блакітныя...

Тут я таксама чакала, что пачнуць сінець, але яны засталіся блакітнымі.

Колер нябёсаў :)

Павінен быў быць аранжавы цюльпан

Сапраўды, ён такі аранжавы, нібы апельсін, а на фотаздымку выглядае чырвоным :)

На самай справе самы аранжавы цюльпан з усіх аранжавых :)))))

Камнеломка

А вось гэтая прыгажуня - новы жыхар майго садку.

Прыехала з Менску, з Камароўкі :)

Я сеяла на расаду некалькі розных гатункаў, але ні адзін не праклюнуўся, іншыя кветкі ўзышлі, а вось гэтыя і прастрэл не :( Буду спрабаваць яшчэ раз наступным годам.

Гэтыя кветкі растуць шмат год і ўсцілаюць зямлю нібы коўдрай.

Пасадзіла яе каля півоняў, думаю, што будзе добрае суседства :)

Віола

Вырасла сама, у мінулым годзе сеяла на расаду і вось гэтым годам ужо не спатрэбілася :) Самі ўзышлі і раненька зацвілі. Яшчэ цвіла цёмна-сіняя, гатунак "Ураган", але мама дапамагла палоць :)))

Цюльпаны

Што тут скажаш, проста захапляешся...

Такія поўныя бутоны.

Кожны год стараюся набыць нейкі новы сорт, каб увесну была прыемная нечаканка :)

Айва

Столькі кветак гэтым годам, амаль кожная галінка цвіце.

Спадзяюся, што і ўраджай будзе такім жа.

У мінулым годзе толькі тры штукі было, але які духмяны кампот атрымаўся, не перадаць.

Калі будзе шмат, будзе варэнне :)

Квяточных выходных :) 

Не згубіце момант, цяпер такі цудоўны час...