Капкейкі да вясенняга свята

Вітаю і віншую з надыходзячым вясновым святам!
Няхай вясна прынясе цудоўны настрой, мора кветак і цеплыню!

Якраз да свята зацвіла яшчэ адна пеларгонія. Такі пяшчотны колер, якраз добра пасуе да маіх сённяшніх капкейкаў.

Начынне капкейкаў: кавалачкі свежых бананаў, разынкі, свежыя журавіны.

Упрыгожаны пірожанкі крэмам з тварагу і сухімі журавінамі, змоланымі ў мельнічцы.

На 24 шт. спатрэбіцца:

• 330 г мукі
• 1 ч.л. соды
• 4 яйкі і 2 жаўткі
• 140 мл малака
• 250 г сметанковага масла
• 200 г цукру
• 1 банан
• горстачка свежых журавін (марожаныя журавіны размарозіць) і горстачка разынак (заліць кіпнем на некалькі хвілін, прасушыць)
• горстачка сушаных журавін, змалоць іх у мельнічцы для кавы

Узбіваем масла з цукрам, затым па адным дадаем яйкі і жаўткі.

Асобна змешваем муку з содай і дадаем сухую сумесь да масла.

У апошнюю чаргу дадаем малако.

Пасля можна дабавіць кавалачкі банана, разынкі, журавіны. Або нейкія іншыя фрукты-ягады.

Пекчы ў духоўцы (папярэдне разагрэтай да 180 град. С) прыблізна каля 20 хвілін. Праверыць ці свякліся шмажкай.

Пасля таго, як капкейкі астынуць. Можна і ўпрыгожваць крэмам або шакаладам.

Для крэму з тварагу нам спатрэбіцца:

• 300-400 г мяккага тваражку ( можна з крамы, можна хатні працерці праз сіта). Калі тварог сухі, трэба дадаць пару лыжак смятаны
• цукровая пудра (на свой густ, я клала брыблізна 3-4 ст.л)
• 1/4 палачкі ванілі (змалоць з цукрам у пудру)

 І можна ласавацца смачнымі пірожанкамі ( адзін знаёмы назваў іх Катрынкамі :). Смачна есці!

Вось так мы пачалі сустракаць першае свята вясны.

Са Святам :)