Прыгажуня Бэль і яе верны сябра Бу

Шчыра вітаю Вас у такі сонечны вясенні дзень!
Сонейка ўчора і сёння так шчодра дорыць сваю цеплыню і яркія прамяні! Настрой вельмі падымаецца і хочацца шмат чаго рабіць :)

Тут Торушка сочыць за мной уважліва, ці ўсё я сфоткала :)

Сфоткала, Торушка, сфоткала. Можаш ізноў бегаць:)

А фоткала новыя крокусы, якія вырашылі парадаваць і зацвілі.

А ў мяне тым часам восень і зіма гасцююць разам з прыгажуняй Бэль і яе зайкам Бу.

Восеньскі матыў знайшоў сваё месца на торбачцы. Але выкарыстоўваць яе вясной ня вельмі прыгожа будзе, я думаю. Таму пакіну торбу да восені :)

Такі зайка міленькі.

Зімовая карцінка яшчэ ў працэсе вышыўкі. Засталося сняжынкі вышыць. І можна афармляць. Думаю, што белая драўляная рамка вельмі добра тут будзе.

А вось і тое, што я вельмі чакаю :)

У нумары часопіса "Вышываю крыжыкам" за красавік будзе яшчэ адна карцінка з Бэль.

Абавязкова буду вышываць, засталося толькі паспець набыць часопіс.

Сонечнага надвор'я :)