Агарод на падваконні, або першыя вітаміны

Прывітанне!
Сёння хачу падзяліцца сваімі вынікамі агароду на падваконні.

Амаль кожны дзень мы цяпер маем есці салацік са свежых шчыперыкаў.

Гэта на мяне ўздзейнічала так, напэўна, зіма гэтага году. Ні снегу, ні маразоў, адно шэрае надвор'е, таму так і захацелася зяленіва, сочнасці і вітамінак :)

Нават пудзіла на маім агародзе ёсць! Такое прыгожае і мілае :)

Мне вельмі падабаецца капацца ў зямлі, вырошчваць кветкі, саджаць агарод. Так прыемна сачыць за тым, як з простага семячка вырастае вялікі куст памідоркаў або гуркоў, або вялізны гарбуз. Гэта такое шчасце!

І я больш вырошчваю ўсё не толькі дзеля выніку ( канешне, ён мае вялізнае значэнне), але не менш важны для мяне сам працэс.

І пакуль для асноўных пасадак яшчэ далёка, то на падваконні ўзнік міні-агарод, дзе растуць шчыпяры, рукала і крэс-салат, тое, што вельмі проста вырошчваць.

Спачатку я садзіла цыбулю.

Я брала цубулю з мінулага года, яна дае больш шчыперыкаў, а калі ўраджай быў вельмі добры, то гэта варыянт выкарыстаць яе ўсю да новага ўраджаю.

Я абіраю старыя лупінкі, абразаю хвосцікі. Гэта дазволіць хутчэй прабіцца шчыперыкам.

Затым на ноч я замочваю цыбулю ў вадзе з марганцоўкай.

Марганцоўка дазваляе пазбегнуць развіцця рознай тлі і мошак.

Гэта дае хуткае насычэнне цыбулі вільгаццю, што добра спрыяе яе ўкараненню ў гаршках.

Засталося толькі пачакаць, пакуль з'явяцца першыя шчыпяры...

І можна шчыпаць :)

Смачна есці!