Круасаны

 

Вітанкі!

Я змагла зрабіць гэтых слаістых пухляшоў! 

Адна справа на працы з машынкаю, якая раскатвае танюткае цеста. І зусім іншае ў хаце... Але як я люблю іх! Гэта проста іншы свет! Я так радая, што навучылася! Што магу! І што бачу, куды ісці, каб іх удасканаліць. Круасаны - любоў з дзяцінства. З тварожных рагалікаў усё пачалося. Са смаку трохі кіслага, крохкага слаістага цеста, скручанага ў рагалікі-вадалазы. Чаму вадалазы? Я ня ведаю... Я многа год спрабавала аднавіць рэцэпт. І вось ня толькі гэтыя тварожныя рагалікі атрымаліся, але і сапраўдныя французскія круасаны.

Рэцэпт рагалікаў можна паглядзець у Святланы  солнце-пек. Спадзяюся, вам будзе так жа смачна 🤩 

Добрых выходных!

Лес

Здаецца, я знайшла, што шукала :)

Збегла з працы на гадзіну раней і пайшла на шпацыр, назбірала малінаў, як і плянавала, а грыбы аказаліся сюрпрызам. Так хораша ў лесе, ня хочацца ісці дахаты. Але да вакацый яшчэ два працоўныя дні.... Ня ведаю, як буду вяртацца назад на працу... Божа, дапамажы 😭😂

Сняданак па дарозе на працу

Якая смачная пара! Ідзеш і на кожным кусце расце нейкая ежа :) як бы мне хацелася жыць ізноў у сваёй вёсцы, на прыродзе, з агародам і садам... калі-небудзь я вярнуся. І ўсё будзе яшчэ лепей, чым было...