Сняданкi 36/42

Вiтаю!

Як заўжды, спяшаюся са сняданкамi :)

На гэты тыдзень выпаў Сырны тыдзень/Масленiца. Канешне ж мы напяклi налiснiкаў нават больш, чым маглi з'есцi...

Але пра ўсё папарадку. Запрашаю, мае сняданкi!

42. Нядзеля: homemade mushrooms hamburger/burger 😂 (I don't know, what this is 😂): bread, avokado, lettuce, red onion, mushrooms, cheese.  Vegetarian.

Сёння вырашыла прыгатаваць на сняданак... ня ведаю, якая правiльная назва булкi з грыбной катлетай 😁 Бургер, гамбургер... Карацей, проста булка з авакада, зялёнай салатай, чырвонай цыбулькай, грыбной катлетай,  сырам i квашанай капустай. Першая такая смачная булка ў маiм жыццi.

Цыбульку палiла бальзамiчным воцатам. Атрымаўся даволi прыемны смак. А грыбныя катлеты зроблены з ножак апёнак, якiх увосень шмат назбiралi. 

А гэта падчас гатоўкi. Такiя колеры сакавiтыя! 

Проста балдею!

41. Субота: buckwheat porridge, banana, coconut chips, honey and blackberry (dried and ground) 😋

Каша грэчневая, з бананам i мёдам, какосавымi чыпсамi i сушанымi чарнiцамi. Можна жыць! Лёгка, хутка, смачна!

Разгрузка пасля налiснiкаў.

40. Пятнiца: crepe, homemade nutella, apple and red raspberry (dried and ground) 🙈🙉😻

Апошнiя-апошнiя... Абяцаю! Але не магу адарвацца ад гэтых налiснiкаў.

Вырашыла пакаштаваць з яблыкам. I як з арахiсавым маслам, атрымалася смачна i сакавiта. З бананам больш сухавата... Але гэта такi сняданак смачны!

Кожны раз дзiўлюся смаку хатняй нутэлы i сушаных малiн...

39. Чацвер: crepe, homemade nutella, banana and red raspberry (dried and ground) 🐴

Што я тут прыдумала!!!!! Налiснiкаў учора напяклi, што яшчэ заўтра будзем снедаць... А вось з такiм начыннем я бы цэлы тыдзень снедала 👌

Хатняя нутэла з ляснымi гарэхамi... Яна атрымалася такой, якой павінна быць. Адзiнае, што трапляюцца кавалачкi, зусiм дробныя, гарэхаў. Але гэта толькi добра i смачна! 

З бананам i змеленымi малiнамi.... Гэта бомба! Менавiта кiславаты смак у канцы малiн, ды такi насычаны, што просто яшчэ раз скажу, гэта бомба! 😂

38. Серада: coconut crepe with lingonberry ice cream 👌

.

Пачаўся сырны тыдзень :) Масленiца!

Як жа бяз налiснiкаў? Бяз iх нiяк проста. Свежыя, тонкiя, яшчэ гарачыя... Ды з шарыкам хатняга марозiва з бруснiцамi... Я ўчора гэтае марозiва прыгатавала. Трошкi памучалася, начаставалася. Але атрымалася проста шыкоўнае марозiва!

А сёння да яго напякла налiснiкаў з какосавай мукi. Ну як з какосавай... Апошняя пара лыжак гэтай мукi завалялася ў шафе 😂 Але ж яна адрознiваецца, i вельмi, ад звычайнай пшанiчнай у лепшы бок. Карацей, святкуем поўным ходам! Нават на наступныя днi iдэi ёсць 👌😋

37. Аўторак: bread, avokado, sweet pepper, medicago, garden cress (seedling)😉

Хлеб, авакада, салодкi перчык, прарошчаннае насенне люцэрны i крэс-салаты, зялёная цыбулька-шчыпяры. Падабаецца мне такое зяленiва з ранiцы. Сакавiтае, смачнае i хрумсцiць.

З перцам гэтым такая гiсторыя забаўная. Насенне ў краме каштавала ў два разы даражэй, чым дзве экалагiчныя чырвоныя пярчыны. А купiла я iх толькi дзеля насення 😂 Дык яны  такiмi смачнымi аказалiся, што дакладна буду вырошчваць!  Ужо i насенне ўзышло, як-небудзь пакажу🙈

36. Панядзелак: bread, fig jam, cottages cheese, banana, cinnamon and garden cress (seedling)🌞

Не бывае прасцейшага сняданку, чым бутэрброд... А яшчэ прасцей скiнуць на хлеб усё, што завалялася ў лядоўнi 🙈

Сёння гэта быў амаль чэрствы хлеб, апошняя лыжка варэння з iнжыру, тварожны саланаваты сыр, банан i цынамон. I прарошчаная крэс-салата, якая ўжо прападала на маiм ваконным агародзе... Выпадкова, але i такое здараецца😁

Смачных сняданкаў, цудоўнага настрою i сонечнага надвор'я!

I вясны! Апошнiя днi на календары зiмы засталiся.

Тыдзень 12/52: спаднiцы

Вiтают!
Нарэшце думкi супадаюць з малюнкамi :) Дванаццаты тыдзень майго малявальнага праэкту скончыўся ўчора. Самы складаны тыдзень! Людзей маляваць я яшчэ не гатовая 😭

Вельмi складана, шмат памылак, твары нейкiя зусiм не жаночыя, расчараванне i лёгкi дэпрэсняк... Новы тыдзень выбрала таксама ня лёгкi, але пабачым, як пойдзе.
Усё ж запрашаю, мой тыдзень спаднiц. Калi ласка!

Балерына была апошняй на тыднi. Ёю я больш меньш задаволеная. Падабаецца мне працаваць з ценню. Тады ствараецца глыбiня. I гэта мяне таксама захапляе...

Гэта першы малюнак быў. Ён-та i падмануў мяне, таму што атрымаўся вельмi лёгка. Спаднiца такая сапраўдная... I я падумала, што раз плюнуць - выканаць гэты тыдзень. Але надалей чакала расчараванне....

Рукi не слухалiся... Прапорцыi не вытрымоўвалiся... Галава была занята вучобай, а я не разумела, што адбываецца...

Прапусцiла пару дзён, потым даганяла... Плакала... 

Усё, думаю, якое маляванне? Каго я падмаваю? Я не ўмею, нiчога не атрымлiваецца, а як палепшыць, я ня ведаю.... 

Такi страх надышоў... А што, калi больш нiколi нiчога лепшага не атрымаецца? Што тады рабiць? Кiдаць? Iзноў?! Колькi ўсяго ўжо было скiнута... Далей ужо няма сэнсу, няма выйсця, няма iдэй... Трэба проста адпачыць, скiнуць напружанне, пераключыцца....

Пяць кiламетраў размоў, добрага надвор'я i пара лiтраў смачнай гарбаты зрабiлi сваю справу. Насмажылiся налiснiкi да сняданкаў, з'явiлiся iдэi i моц... 

А з кожным вымытым пакоем галава таксама прачышчалася... 

Гэта ступенька, якую неабходна было пераадолець. Здаецца, што я гэта зрабiла...

Добрага настрою i чысцiнi, ня толькi вакол, але i ўнутры!

Сняданкi 29-35/365

Хэйсан-хопсан 😊

Яшчэ сем сняданкаў, яшчэ адзiн тыдзень... Кожны раз нiбы падводжу нейкiя вынiкi. 

Калi казаць па праўдзе, то што малявальныя тыднi, што сняданкi - гэта складана. Здавалася бы сфатаграфаваў, падпiсаў... Раз плюнуць, але на самай справе гэта ня так. Гэта стамляе, вымушае шмат планаваць, прыдумляць, хвалявацца...

Але цiкава. I кожны раз, калi атрымлiваецца смачна або прыгожа, гэта вельмi радуе i напаўняе фарбамi дзень.

Таму запрашаю ў сонечныя сняданкi, таму што ў большасцi дзён сонейка захавалася на фотаздымках. Калi ласка!

29. Панядзелак. Bread, roasted pumpkin and cottage cheese.

Штосьцi новае :) Хлеб, печаны гарбуз (тыква) з алеем i духмяным зяленiвам, мяккi сыр i апельсiнавы сiроп з iмбiром i мёдам.

Я нiколi не думала, што гарбуз будзе такiм смачным. Мне вельмi падабаецца гарбуз у супе, пара-тройка пiрагоў з iм у галоўнай ролi... Але каб вось так, проста i смачна, упершыню 👌

I сняданак цёплым i сонечным атрымаўся!

30. Аўторак.  Sweat potato, peanut butter, banana and blueberry 👌

.

Iзноў штосьцi незвычайнае 🙈 Салодкая бульба батат.

Пакуль запякала, пах быў ня вельмi... Ну думаю, ня лёс, ерунда нейкая будзе, як такое есцi, а тым больш фатаграфаваць 😂 Але пах хутка знiк, я дастала з лядоўнi масла з арахiсу, намазала зверху, бананам прыплюснула, ягадаў накiдала... Сфатаграфавала... Але каштаваць страшна, ды iншага сняданку i ўвогуле прыгатаванай ежы няма пакуль. Прыйшоў муж, таксама есцi не спяшаецца...

Усё, думаю, больш нiякiх сняданкаў для iнстаграму, буду есцi сваю звычайную кашу i авакада.

I вось так, лаячыся пра сябе на лёс i сваё глупства, я пачынаю каштаваць ня ведаю што... I думкi знiкаюць, таму што нерэальна смачна!

Неверагодна, але атрымаўся прыемны па смаку бутэрброд бяз хлеба 👍Смак у бульбы ёсць, але нейкi проста нейтральны, прыемны, саладкаваты трошкi. Цяжка апiсаць якi, проста смачны! 

У вынiку ўсё з'едзена было адразу i вырашана, што iдэя застаецца i надалей у сям'i для сняданкаў 😁

31. Серада. Bread, avokado, sardines in tomato sauce and lemon 😋

.

Час ад часу ў лядоўнi што-небудзь прападае :) Так ад вячэры засталася адна сардзiнка ў тамаце, а ўсё астатняе скончылася, а яна адна ляжыць-сумуе... Прыйшлося прыдумляць бутэрброд з ёю: хлеб, авакада, тоўчаная вiдэльцам сардзiна ў тамаце, кавалачкi лiмону, зялёная салата.

Я адношуся да такiх людзей, хто рыбу з ранiцы раней ня еў. Потым увесь дзень яна пра сябе нагадвае. Але чамусьцi з лiмонам такое не адбываецца. Цi гэта рыбная кансерва, цi салёная рыба - кавалачак лiмону да яе i можна забыцца, што на сняданак была рыба :)

32. Чацвер. Сoconut flour pancakes, semla, lingonberry jam, whipped cream and blueberry 🐛

.

Ня ведаю, як пракаментаваць гэты сняданак 😂

Я хацела толькi аладкi/панкейкi... А муж семлур... Ну i ад аладак не адмовiўся.

Асабiста мне хапiла толькi булачкi i аднае аладкi - пакаштаваць.

.

Аладкi/панкейкi былi замешаны з какосавай мукой. Ляжаў у мяне адкрыты пачак ад майго дню народзiн. Ня ведала, што з iм рабiць. I проста палову пшанiчнай мукi ў рэцэпце замянiла на яе. О, гэта такiя лёгкiя блiнчыкi атрымалiся! Нiбы з паветрам 😁 Смачныя, канешне.

.

На гэты раз семлур былi з варэннем бруснiцы-грушы. I мне так смачней, чым з марцыпанам. Напэўна, больш варэння, больш сакавiтымi атрымалiся... Ды i вяршкi з варэннем амаль як торт 🙈

.

Ягады буякi - апошнiя, i так мы iх "елi" два тыднi. Вось зручна так мець iх грамаў 200, туды пару ягадкаў кiнуў, сюды пару... А здаецца, што так много i так часта 😂 А на самай справе ўсю праўду iнстаграм i блог не расказвае...

33. Пятнiца. Overnight oats with yogurt, raspberry, banana and mint 👌

.

Пятнiца-пятнiца! Гэта свята, таму што надыходзяць выходныя, а хто iх ня любiць 😂 Iх любяць усе... Але цяпер не пра гэта. Сняданак. Прыгатавала звечару i фатаграфавала тады таксама, ранiцай ўжо сонейка сонейка не было... Дык вось, сняданак сёння не такi прыгожы, але смак! Гэтая "начная" аўсянка рэальна крутая рэч!

Усё проста: аўсянка, зверху хатнi ёгурт, размарожаныя малiны, банан i мята. Аўсянка забiрае за ноч усю вiльгаць, застаецца "тваражок" i мяккiя ягады.... О, гэта вельмi смачна! Пакуль ела, засыпала новую партыю на заўтра, але з iншымi iнгрыдыентамi :) Ды i банан заўтра пакладу, iначай iзноў не для фотаздымка атрымаецца 😂😂😂

34. Субота. Overnight oats, cashew milk, apples and cinnamon 👍

.

Яшчэ адна "начная" аўсянка: аўсянка, малако з гарэхаў кешью, варэнне са слiў. Сёння проста ўсё перамяшала, выклала ў талерку, яблыкамi прыдавiла, цынамонам прысыпала... I незаўважна з'ела 👌 Вельмi добрая iдля!

35. Нядзеля. Fruitcake, cheese and garden cress (seedling)😋

Спякла звечару кекс, як сталiчны, але бяз цукру... Ды з сырам i крэс-салатай... Муж з варэннем еў, не зразумеў маёй радасцi i рэцэпту 😁 А мне так смачна! Ну так смааааачна!

Вось раней я здзiўлялася са свайго таты, якi калядныя або вялiкодныя булкi любiў есцi з салёным салам, духмянай паляндвiцай цi хатняй каўбасой... А я толькi з варэннем, ды яшчэ магла павыкалупваць усе разынкi. Добра, калi з печаных булак, часам з цеста 😂😂😂 Мама кожны раз за мною сачыла🙈

Цяпер-та я сама пяку, ды i разынкi ў большай даступнасцi. Спакойна можна адну жменю ў рот, дзве ў цеста. I ўсiм добра 😊

Смачных сняданкаў, добрай нядзелькi i цудоўнага настрою!

I разынак!

11/52: капкейкi

Вiтаю!

Ну вось я, нарэшце, дагнала свой марафон i тут. Учора пачала новы тыдзень, а гэта апошнi. Так здорава маляваць тое, што падабаецца :) Вось цяпер i прыгатаваць захацелася што-небудзь з гэтай прыгажосцi.

Памятаю кнiгу з дзяцiнства, у якой галоўны герой мог атрымаць усё, што намалюе:) Вось так i я цяпер.

Калi ласка, тыдзень капкейкаў. 

У Фiнляндыi святкуюць 14-га лютага ня столькi дзень закаханых, колькi дзень сяброў. Магчыма да гэтага свята, а магчыма проста так амаль уся крама сёння была запоўнена людзьмi пенсiйнага ўзросту, а гэта не беларускiя 55, а фiнскiя 65 i вышэй... Мне здалося, што ў гэты момант толькi я адна была там маладой толькi знешне, а ўсе астатнiя пакупнiкi мелi маладую душу, белыя валасы i светлыя твары. I такiя яны прыемныя i трошкi смешныя... Капашылiся каля вiтрын з кветкамi, штосьцi гучна абмяркоўвалi, неслi па некалькi букетаў руж, цюльпанаў... Куплялi ружовыя сардэчкi-пячэнькi. Можна сказаць, што ня проста хадзiлi па краме, а ляталi... Прыемна было назiраць за iхняй радасцю i натхненнем. .

У вынiку вярнулася я да хаты з насеннем кветак 😆 Не, букеты не для мяне. Расадай займацца куды прыемней. Ну вось гэта нармальна, не?

.

Ужо ж i пасеяла, i настрой падняўся, i малюнак ёсць, i сняданак заўтра будзе незвычайны 😉 Ужо запланавала. А ўсяго-та пасеяла кветкi 😂 Каб ведала раней, што так будзе, цыбулю бы на шчыпяры пасадзiла. Больш карысцi, i па марозе ехаць роварам ня трэба😂

Ну хто так яшчэ можа?! Толькi я!

Малюнак зрабiла, але ён мне так не падабаецца, што ўпершыню вырашыла перароблiваць, але потым падумала, што ня буду... Я вучуся, i ў першую чаргу вучуся адчуваць сябе, а тут адчувала, што нiчога добрага з гэтага ня выйдзе... Неабходны адпачынкi ад любой дзейнасцi, ад любых спраў, iначай можна дайсцi да крайнасцяў i ня ведаць, як адтуль выбрацца.

.

Гэты малюнак - урок, якi я добра засвоiла, спадзяюся. Пагэтаму слухайце сябе, часам кажыце шчыра "не", чым "так" з неахвотай. I будзьце шчаслiвымi кожны дзень, а ня толькi ў сонечны!

Гэтую радасць вы ўжо бачылi :) 

Апошнi :) Незаўважна тыдзень праляцеў, звычайна падганяю, баюся за вынiк... А тут i не атрымалася штосьцi, i не заўважыла я гэтага тыдню.

Цудоўнага настрою i добрых выходных!

10/52: кветкi/мальва

Кветачкi ад kvietachka :)

Ужо каторы год я ня маю нi сваiх кветак, нi агароду... I калi мiнi-агарод на падваконнi я арганiзавала, то з кветкамi - бяда. Вось i прыходзiцца выкручвацца.

У год пераезду з вёскi ў мяне вырасла добрая расада i кветак, i гароднiны. I нават мальвы павiнны былi цвiсцi... I цвiлi, i нават баклажанчык адзiн завязаўся ў цяплiцы, а мы з'ехалi... Хутка, нечакана... Кiнулi ўсё, i проста збеглi адтуль, каб ня бачыць больш. Стамiлiся?! Магчыма... Спужалiся? Можа быць... Ня бачылi выйсця? Хутчэй за ўсё...

Амаль два гады прайшло. Так хутка... Што змянiлася? Краiна пражывання i мае заняткi - я пачала маляваць у гэтым годзе. Да гэтага я нiколi не малявала акрамя эбру. 

I цяпер я магу намаляваць усё, што мне хочацца i чаго не хапае :) 

I кветкi не выключэнне. 

Калi ласка, тыдзень мальваў. 

Падабаецца мне зялёны колер больш за астатнiя. Ён сакавiты, вясеннi, вельмi прыемны... А больш за ўсё я люблю ствараць гэты колер сама. Тады ён атрымлiваецца менавiта той ступенi сакавiтасцi, як я хачу ☘☘☘☘☘ Так прыемна, калi можаш ствараць хоць што-небудзь акрамя булак i сняданкаў 😂

А яшчэ хочацца вясны! Вось проста так узяць i зрабiць адзiн вялiкi крок праз увесь апошнi зiмнi месяц... i адразу ў сакавiк 😁 А лепш у красавiк... А самае найлепшае ў чэрвень з сонейкам i сунiцамi! I чаму заўжды лепш дзесьцi там, наперадзе?

Я памятаю, як у дзяцiнстве рабiлi такiх лялечак 😄 А яшчэ былi з дзьмухаўцоў, якiя ў вадзе скручвалiся... Зробiш такую i захапляешся, якой прыгожай яна атрымалася. I не патрэбныя былi iншыя цацкi.

А яшчэ "сакрэцiкi" рабiлi: капаеш ямку невялiчкую пад кавалак шкла, якi знойдзеш дзе-небудзь пад плотам 🙈 У гэтую ямку розных кветак прыгожых накладзеш, каменчыкаў, зверху шкло, засыпеш зямлёю... А потым адкопваеш асцярожна, а там нiбы вакенца ў iншы свет... Сядзiш, разглядаеш... Што яшчэ трэба для шчасця?!

Так цiкава назiраць, як кожны дзень застаецца ў малюнках. Як нострой i надвор'е ўплываюць на колеры, якiя я выбiраю... На форму нiчога не ўплывае😂 А вось колеры могуць многае расказаць, але лепш ня будзем iх кранаць 😉

Квяточнага настрою!

9/52: птушкi/сава

Вiтаю!

Птушачак люблю бязмерна. Напэўна, за iхнюю магчымасць лятаць паўсюль, дзе захочуць, за iхняе хараство i разнастайнасць, за спевы. 

Сённяшнiя птушкi трошкi сумныя, але ня менш цiкавыя. 

Пiсала пад малюнкi верш. Намучалася, таму што адна справа, калi верш сам iдзе, а другая - пiсаць пад пэўны сюжэт. Але тое, што атрымалася, мне падабаецца, таму запрашаю!

Жыве савянятка ў адзіноце, 

Нiхто яго не саграе, не абдымае.

Выляцiць з хаты ў дождж-непагоду,

А парасонiк заўжды забывае...

Шукае дзiвосы ён, шукае сяброў, 

Спрабуе знайсцi сваё шчасце.

Спрабуе вярнуцца дамоў, 

Але пакуль не пашчасцiла...

А ён непаўторны сваёй прастатою,

I даляглядамi захапляецца.

Лятае з сiнiчкамi наўздагон, 

Аднак з сябраваннем не складваецца...

Ён любiць раздолле i цiшыню, 

Ды сiнiчкi шчабечуць няспынна...

А ноччу яны не лятаюць чамусьці 

I гэта так крыўдна!

Аднойчы ляцеў ён у цемры адзiн,

Як звычайна, самотна было на душы.

I тут узнiкае савяня перад iм,

Якое стане сябрам найлепшым...

Пачалi сябраць два савяняткi, 

Нiбы кроплi вады, падобны яны.

Разам паўсюль... Ад хаткi да хаткi...

Разам лятаюць i ўначы.

З часам вялiкаю стала сям'я,

Багата абдымкаў там i пацалункаў.

Хапае ўсмешак i перасмешак, 

А ў дождж-непагоду сядзяць яны дома, каля стала!

Цудоўнага настрою i абдымкаў!

💕💕💕💕💕

Happy Valentine's Day!

З Днём Закаханых!

Салодкага кахання!

Малюнак з адзiнаццатага тыдню :) Ужо хутка будзе тут :)

Сонечнага настрою i салодкага дню! 😉

8/52: крамы Францыi :)

Добрага дню!

Яшчэ адзiн тыдзень, якi дазволiў завiтаць у невялiчкiя крамы з прыгожымi вiтрынамi :) 

Запрашаю!

Сказаць па праўдзе, я люблю сакавiтыя колеры. Мне з iмi прасцей працаваць :) Ды i радасцi ад iх больш, праўда? 

Цудоўнага настрою!