Летняя вячэра

Вітаю-вітаю!

Як добра, што ўжо лета. Ужо другі дзень у нас вельмі цёпла, я не хвалююся за сваё птаства, можна спаць спакойна.

І вось адным з гэтых цёплых вечароў вырашылі смажыць аладкі на вуліцы :) Як звычайна, быў хлеб, будуць аладкі...

У нас на вуліцы стаіць жалезная печка hand made, на якой можна грэць ваду, штосьці варыць-смажыць. І вось мне бацькі падарылі патэльню з тоўстага чугуну. Спецыяльна для гэтай печы :) Вельмі зручна. Я ўжо не магла дачакацца, калі змагу выкарыстаць яе.
Наступнай стравай хачу гатаваць яешню на вуліцы :) Ммммм...

Рыська чакае аладкі :)

Аладкі атрымаліся вельмі смачнымі, елі прама каля печкі, адразу з патэльні. Так здорава :)
І ўсе нашыя галоўныя хатнія жыхары таксама ласаваліся аладкамі. Добра, што на патэльню не залезлі, так ужо ім хацелася пачаставацца :)

І Тор таксама :)

Смачна есці! І цяпла-цяпла-цяпла!