***

Віншую з надыходзячым Новым годам!

І жадаю спаўнення мараў, творчых планаў...

Няхай здароўе толькі крапчае, усмешка не пакідае вусны,

а каханне і пяшчота саграе ў маразы :)

Цудоўнага Новага году і святочнага настрою!

Маленькая святочная прыгажосць

Вітаю!
Засталіся апошнія дні году, апошнія заняткі, усё апошняе... Але гэта дорыць надзею на новыя пачынанні і планы, на новыя ідэі і мары :)

Сёння я трошкі ўпрыгожыла кватэру да свята...
За вакном снег і мароз, у пакоі цёпла і смачна :)

Мае шкляначкі пасяліліся на галінках елкі, шкада, што елку ў гэтым годзе не ставілі, толькі галінкі... Але атрымалася добра :)

Падарункі на заняткі... Свае падарункі або падароны, або пакуль у далёкіх планах, сумна :) Трошкі-трошкі толькі, ня той узрост ужо, напэўна, каб чакаць пад елкай падарункаў, бо яны дорацца кожны дзень пачуццямі, пацалункамі, абдымкамі... Гэта самыя сапраўдныя падарункі, а астатняе і так жыццё дае, калі гэта неабходна. А калі не... Значыць ня так і трэба гэта было :)

І елачкі з цынамону і стужак :) Так мне падабаюцца гэтыя простыя такія, але ўсё ж незвычайныя ўпрыгожванні для елкі...

Каб мужу не так было сумна працаваць, паставіла яловую галінку на ягоным стале...

Святочнага настрою!

З Надыходзячым :)

Новы год не новы год, ды і мандарыны не мандарыны :)

Цудоўнага настрою :)

У двары ляжыць сняжок...

Святочнага настрою :)

Стакгольм, Швецыя

Вітаю!

Толькі пару гадзін таму атрымала свой ноутбук з рамонту :) І баюся, што калі цяпер не напішу гэты аповед, то не напішу яго ў гэтым годзе дакладна...

Таму амаль бяз слоў, адныя фотаздымкі святочнага гораду:) Калі ласка!

Шпацыравалі мы па Старым горадзе, завіталі ізноў у Скансан... Таму проста вулачкі, будынкі і жыхары Скансану :)

Ратавала мясцовых качак ад драпежніка :) Шанцуе мне на іх :)

Упершыню ўбачыла гэтых прыгажунь, яны на адлегласці выцягнутай рукі сядзелі і "гу-гу, гу-гу". Здавалася, што паляцяць на мяне, а яны проста круцілі сваімі галовамі :)

Рысі - гэта такія пухлякі, адзін прыйшоў да мяне на "кіс-кіс-кіс". І сядзеў і глядзеў на мяне сваімі вочкамі, бедалага :)

Якраз ідзе да агароджы...

І аблізваўся, і пазяхаў, а калі я працягнула далей свой шпацыр, ішоў за мною ўздоўж сцяны :) Добрая такая кісуля :)

Уваход у Скансен.

І агромністы карабель - Папялушка. Прыгожы!

Плошча, на якой месціцца Kulturhuset. Каля кіёскаў стаялі драўляныя лавы, нават не лавы, а распілаваныя ўздоўж бярвенні, а на іх ляжалі сапраўдныя мехавыя шкуры аленяў. Цёпла так было сядзець на іх, але вельмі шкада...

І гэта была самая смачная плошча: там прадаваліся гарэхі ў цукру і чурас :) Смачная штука, толькі шмат цукру. Мы каля 100-150 г проста выкінулі пасля таго, як з'елі самі смажаныя пячэнкі чурасу. Мне здаецца, што лепш было выкарстоўваць цукровую пудру :)))) І танней, і смачней, і прыгажэй... Ды і есці цукар ня вельмі, прама кажучы:)

З Надыходзячым!

Цудоўнага настрою і смачных пачастункаў :)

Упрыгожванні для каляднай елкі :)

Вітаю!

У нас надвор'е зусім не святочнае :) Пра гэта ўся сеціва распавядае...

Дык вось трошкі для настрою вырашыла я змайстраваць упрыгожванні для елкі. Калі ласка!

Я ня ведаю, ці будзе ў нас елка ў гэтым годзе, складанае пытанне. Але вось прыгажосці хочацца... І цудаў таксама...

Калісьці даўно я рабіла маленькія паштовачкі-візітоўкі ў падобным стылі. Мне вельмі падабалася шыць ружачкі са стужак. Увогуле штучныя кветкі - мая мара, мне вельмі падабаюцца такія рэчы. Асабліва Млын парадаваў - шмат было прыгажосці там. Вось, атрымаўшы натхнення, загарэлася я сёння заняцца сваімі кветачкамі. Атрымаліся дзве сняжынкі: блакітная і сіняя, чамусьці за ўвесь вечар хацелася працаваць толькі з гэтымі колерамі :)

Яшчэ адна вельмі простая цацка: елачка :) Кара цынамону, стужкі, нітка і елка гатовая...

Здораўская ідэя! Нарэшце запасы 5-гадовага цынамону трошкі разышліся :) Ня ведала, што з ім рабіць...

 

А вось і самае смешнае, што здарылася са мною за вечар: калісьці даўно гатавала я хатні ёгурт. І ад біфідабактэрый заставаліся маленькія шкляначкі. Я іх збірала-збірала-збірала... І падчас пераезду выкінула... Як мне сёння было шкада, што я гэта зрабіла, гэта не перадаць словамі :) Мне ніколі так нічога не было шкада, як сёння :))))) Добра, што ў адным з карабоў заваляліся некалькі гэтых прыгожых шкляначак... І рэшткі стужак, кветачкі, нітачкі зрабіліся таксама цацкай на елку. Замест пластыкавых крышачак усё тая ж кара цынамону :) Зручна!

Маленькі томтэн :) Пад час першага падарожжа ў Швецыю мне вельмі спадабаліся вось такія гномікі, якіх было вельмі шмат у крамах з мясцовымі сувенірамі. Яны былі зроблены з авечай воўны і каштавалі вельмі дорага, як і коні з Даларны :) І вось у гэтую паездку ізноў сустрэліся гномікі... 

Трошкі падобна да арыгіналу :) 

Некалькі гадзін працы і можна ставіць елку... Праўда, ня ведаю, дзе яе набыць, і ці набываць увогуле... Цяжкае пытанне :) Жадаю, каб у Вас такіх пытанняў не ўзнікала, і каб кожны год калядная прыгажуня радавала!

Святочнага настрою і прыгожых Калядаў :)