Тыдзень дня народзінаў 🥳

 

Вось ізноў надыходзіць дзень народзінаў. Я спадзявалася даведацца сапраўдны дзень, але не пашчасціла. Даведка прыйшла са старымі звесткамі. Таму ў гэтым годзе прыйдзецца святкаваць яшчэ па старым дні. Такія спадзевы былі... Вельмі шкада. Але я думала, што было бы добра, каб даведка прыйшла ў сапраўдны дзень народзін. Ну вось яна прыйшла 22.11. Хто ведае, можа гэта і ёсць той самы дзень, які я шукаю :)

Пасля працы

Праца скончылася на гадзіну раней і я паспела прагуляцца пад сонейкам. Яно цяпер тут ня часты госць, таму кожны момант вельмі важны :)

Сонейка і паболей!

Снег ідзе і я іду

Так прыгожа было! А сёння ідзе дождж і ператворвае ўсё хараство ў небяспечную жыжу. Даўно мы не жылі ў хаце, а толькі ў кватэры. І так утульна сядзець у цеплыні і назіраць, як падае снег, усё становіцца белым і прыгожым. Дзе-нідзе выглядваюць з-пад снегу зялёна-жоўтыя лісточкі. Як ніколі многа птушак скоча па садзе, яны таксама не чакалі так рана снегу, які схавае ад іх ежу.

А тут дождж шапоча па шыбах, па даху, па лісці, якое не паспела яшчэ абляцець...

Такі пачак дню. Еду на працу ў пустым цягніку, трохі баюся свайго сённяшняга працоўнага пляну. Турбуюся, што ўжо кепска сплю... Але тое, што не забівае нас, робіць мацней. Спадзяюся, што гэта такі момант. І праз месяц я буду спакойна спаць і выконваць тую ж колькасць працы :) Але сёння турботна,  хай будзе толькі сёння...

Добрай пятніцы! Хай усё будзе добра!